Павлодарда кәмелетке толмаған баланы көлік қағып кетті
<p style="text-align: justify;">35 жастағы жүргізуші кәмелетке толмаған баланы қағып кетті. Зардап шегуші ауруханаға жеткізілді, деп хабарлайды <a href="/" target="_blank" rel="noopener noreferrer">Egemen.kz</a>.</p>
«6 шілдеде сағат 13.30-да Павлодар қаласындағы Минин көшесіндегі 145-үйге қарама-қарсы «ВАЗ 21053» автокөлігінің 35 жастағы жүргізушісі кәмелетке толмаған баланы қағып кетті. Бала реттелмейтін жаяу жүргіншілер өткелі бойынша жолды кесіп өтпек болған. Жол-көлік оқиғасы салдарынан жаяу жүргінші жарақат алып ауруханаға жеткізілді», деді Павлодар облыстық полиция департаменті бастығының бірінші орынбасары Жасқайрат Қайыров.
Полиция департаменті бұл оқиға бойынша тексеру жүргізіліп жатқанын атап өтті. Көлік арнайы айып тұрағына қойылды.