А.Цой тамыз-қыркүйек айларындағы эпидахуалға болжам жасады
<p style="text-align: justify;">Денсаулық сақтау министрі Алексей Цой Үкіметтің кезекті отырысында еліміздегі эпиджағдай туралы баяндады, деп хабарлайды <a href="/" target="_blank" rel="noopener noreferrer">Egemen.kz</a>. </p>
Министрдің айтуынша, ауруханаларындағы төсек-орын 56 пайызға толып тұр.
«Эпидахуалды бақылау матрицасына сәйкес, Қазақстан Республикасы 26 маусымнан бері «қызыл» аймақта. 3 тамыздағы жағдай бойынша, ауруханалардағы төсек-орынның 56 пайызға толып тұр. Алматы, Шымкент қалалары мен Атырау, Қарағанды облыстары «қызыл-қоңыр» аймақта тұр», деді Цой Үкімет отырысында.
Министр Қазақстан бұған дейін жасалған болжам бойынша оптимистік сценариймен келе жатқанын атап өтті.
«Тамыз-қыркүйек айларындағы эпидахуалға болжам жасайтын болсақ, біз оптимистік сценарий бойынша келе жатырмыз. Оптимистік сценарийдің алдағы дамуы карантин режимін сақтап, вакцинация қарқынын көбейтумен байланысты болады», деді министр.