Атырауда «қызыл» мәртебемен қыдырған 27 адамның тізімі жарияланды
<p style="text-align: justify;"><span class="s2"><span class="bumpedFont15">Облыстық санитариялық-эпидемиологиялық бақылау департаменті </span></span><span class="s2"><span class="bumpedFont15">«қызыл» мәртебес</span></span><span class="s2"><span class="bumpedFont15">і бар 27 адамның тізімі жарияла</span></span><span class="s2"><span class="bumpedFont15">ды, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
Департаменттің баспасөз қызметі таратқан ақпаратқа қарағанда, «қызыл» мәртебемен қыдырып жүргендердің арасында 21 адам Атырау қаласында тіркеліп отыр. Ал, Жылыой, Қызылқоға, Мақат, Индер аудандарында – 1, Махамбет ауданында 2 адамнан «қызыл» мәртебе анықталған.
«Бұлар – коронавирус инфекциясымен сырқаттанған және науқаспен қарым-қатынаста болғаны үшін үй жағдайында оқшауланған адамдар. Алайда, олар 14 күнге өзін-өзі оқшаулау режимін бұзған. Сол себептен, «қызыл» мәртебесі бар 27 адамға ҚР Әкімшілік құқық бұзушылық туралыКодексінің 425-бабының 1-тармағына сәйкес хаттама толтырылып, айыппұл түрінде әкімшілік шара қолданылды» деп хабарлады департаменттің баспасөз қызметі.