Ақтауда қоғамдық көліктерге Ashyq жүйесі енгізіледі

<p style="text-align: justify;">Ashyq жүйесі Ақтау қаласындағы қоғамдық көліктерге енгізіледі, деп хабарлайды <a href="/" target="_blank" rel="noopener noreferrer">Egemen.kz</a>.</p>

Бұл туралы inaktau.kz сайты мәлімдеді. Ashyq арқылы отырғызуы қажет екені туралы Маңғыстау облысының әкімдігі хабардар еткен. Автобус кіреберісінде жолаушы өзінің «жасыл» немесе «көк» мәртебесін растауы керек.

«18 жасқа дейінгі балаларға тексеруден өтудің қажеті жоқ. Автобусқа «қызыл» және «сары» мәртебесі бар адамдар кіргізілмейді», делінген Caspiy avtopark хабарламасында.

№107 маршрут бойынша қызмет көрсететін компания өкілдері әзірше жаңа талаптарды «қолданып көріп» жатқанын айтты.

«Бүгіннен бастап көлік Ashyq жүйесінде жұмыс істейді. Біз алгоритмді әзірлегенде, процесті қалай ыңғайлы ұйымдастыруға болатынын қарастырамыз. Заманауи смартфондары немесе Интерне жоқтар ЖСН арқылы тексеріледі. Біз ешкімді көшеде қалдырмаймыз, бәрі автобусқа отыра алады», деді компанияның операциялық жетекшісі Жәнібек Миралиев.

Басылым мәліметінше, №107 маршрутта 8 автобус бар. Оларда кептеліс уақытында жолаушы көп болады. Сондықтан Ashyq арқылы өту жүйесі іс жүзінде қалай жұмыс істейтінін айту қиын.