Сеулде Абай Құнанбаевтың ескерткіші ашылады

<p style="text-align: justify;">Қазақстан Президенті Қасым-Жомарт Тоқаев Сеулде Абай ескерткішін ашады. Бұл туралы Мемлекет басшысының баспасөз хатшысы Берік Уәли мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>

Ескерткіштің ашылу рәсімі 16-17 тамызда Тоқаевтың Оңтүстік Кореяға мемлекеттік сапары аясында өтеді.

«Президент Қасым-Жомарт Тоқаев Сеул қаласында Абай ескерткішінің ашылу рәсіміне қатысады деп жоспарланған», делінген жазбада.

Сапар аясында екі ел президенттері келіссөздері жасайды деп жоспарланған.

Сондай-ақ, Қазақстан Президенті Сеулге сапары аясында Кореяның ірі компанияларының басшыларымен, белгілі саяси қайраткерлермен кездесулер өткізеді. Қазақстандағы инвестициялық жобаларды жүзеге асыру бойынша бірқатар коммерциялық келісім-шарт жасалады деп жоспарланған.