Қазақстандықтар қай елдерге демалысқа бара алады?
<p style="text-align: justify;">Енді Қазақстаннан шығатын халықаралық рейстер 46 бағыт бойынша 16 елге орындалады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Рейстер санитарлық-эпидемиологиялық талаптарды қатаң сақтай отырып жүзеге асырылады. Бұл туралы Индустрия және инфрақұрылымдық даму министрлігінің баспасөз қызметі хабарлады.
Рейстердің көпшілігі Түркияға орындалады - аптасына 54 рейс. Одан кейін Өзбекстан мен Біріккен Араб Әмірліктері - бұл елдерге сәйкесінше аптасына 36 және 31 рейс орындалады. Грузияға аптасына 20 рейс бар.
Ресейге - 10, Қырғызстанға және Германияға - 9 рейс, ал Беларусь пен Украинаға - 8 рейс және Черногорияға - 7 рейс бар.
Оңтүстік Корея, Тәжікстан, Египет, Нидерланды, Польша мен Арменияға - аптасына бір немесе үш рейс шығады.
17 тамызда Қазақстанда ұзақ уақыт бойы алғаш рет тәулігіне 7000-нан аз адамнан коронавирус анықталды. Нұр-Сұлтанда ауру жұқтырғандар саны айтарлықтай төмендеді.