Алдағы күндері ауа райының қандай болатыны айтылды
<p style="text-align: justify;">Синоптиктер 24-26 тамызға арналған ауа райы болжамын ұсынады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Атмосфералық фронттардың өтуіне байланысты республика аумағының басым бөлігінде ауа райының тұрақсыз сипаты күтіледі: найзағай ойнап, бұршақ аралас қысқа мерзімді жаңбыр жауады, қатты жел тұрады.
Республикамыздың барлық аймақтарында температуралық фон салыстырмалы түрде тұрақты болады деп болжанады: батыста түнде +17...22, күндіз +32...39 градус, солтүстікте түнде +13...18, күндіз +30...35 градус, орталықта және республикамыздың шығысында түнде +11...17, күндіз +27...33 градус, оңтүстікте түнде +15...22, күндіз +32...39 градус ыстық болады деп күтіледі, деп хабарлайды «Қазгидромет» РМК.