Кабул әуежайындағы жарылыстан қаза тапқандар бар
<p style="text-align: justify;">Бейсенбіде Кабулдағы Хамид Карзай атындағы халықаралық әуежай аймағында күшті жарылыс болды, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Анадолы» ақпараттық агенттігінің тілшісі Ауғанстан астанасынан хабарлағандай, жарылыс дыбысы әуе айлағы аймағынан әлдеқайда алыс жерде естілген.
«Әл-Жазира» телеарнасы «Талибан» қозғалысының өкілдеріне сілтеме жасап, 13 адамның қаза тапқанын хабарлады.
Кабулдағы жедел жәрдем ауруханасының өкілдері Twitter -де жарылыс аймағынан келген 60 адам ауруханаға жатқызылғанын хабарлады.
Жарылыс фактісін Пентагон өкілі Джон Кирби растады.
Америкалық бұқаралық ақпарат құралдары Кабул әуежайы маңында болған жарылыстан 4 америкалық әскери қызметкер қаза тауып, үшеуі жараланғанын хабарлады.
Сондай-ақ Түркияның Ұлттық қорғаныс министрлігі Кабул әуежайының сыртында екі жарылыс болғанын хабарлады. Түрік әскері арасында қаза тапқандар жоқ.