«Солтүстік ағын-2» газ құбырының құрылысы аяқталды
<p style="text-align: justify;">«Солтүстік ағын-2» газ құбырының құрылысы толық аяқталды. Бұл туралы «Газпромның» хабарламасында айтылған, деп хабарлайды <a href="/" target="_blank" rel="noopener noreferrer">Egemen.kz</a> ТАСС агенттігіне сілтеме жасап.</p>
«Газпром» АҚ таңертеңгілік жедел кеңесінде басқарма төрағасы Алексей Миллер бүгін таңертең Мәскеу уақытымен 8:45-те «Солтүстік ағын-2» газ құбырының құрылысы толық аяқталғанын айтты», деп жазылған хабарламада.
Естеріңізде болса, Ресей 2012 жылы Германияға тікелей газ жеткізетін «Солтүстік ағын» жобасының құрылысын аяқтаған болатын. Осылайша, солтүстіктегі көршіміздің газы Балтық теңізі арқылы тікелей Еуропаны көгілдір отынмен қамтамасыз етті.
Бұл жоба тиімділігін көрсеткеннен кейін Германия, Ресей, Финляндия, Швеция және Дания келісімге келіп, «Солтүстік ағын – 2» жобасын жүзеге асыруды қолға алды. Осылайша, 2016 жылы газ құбырын төсеу жұмыстары басталып кеткен-ді.
«Солтүстік ағынның» салқыны жайлы мақала сайтымызда бір жыл бұрын жарияланғанын айта кетейік.