Қазақстанда эпидахуал тұрақтанды – Цой
<p style="text-align: justify;">Бұл туралы ҚР Денсаулық сақтау министрі Алексей Цой мәлім етті, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Қазақстанда 6 қазанда CОVID-19-ға оң нәтижемен 896 162 науқас және КВИ-ға теріс нәтижемен 76 517 жағдай тіркелді. КВИ-мен ауыратын науқастардың шамамен 92 пайызы сауығып шықты. Оның ішінде КВИ оң нәтижемен - 835 805 науқас және КВИ теріс нәтижемен - 63 902 науқас», деді министр Орталық коммуникациялар қызметіндегі баспасөз мәслихатында.
Оның дерегінше, эпидемиологиялық жағдай матрицасына сәйкес, 4 өңір тәуекелі жоғары, яғни «қызыл» аймақта орналасқан. Соңғы айда Қазақстанда эпидемиологиялық жағдайдың тұрақтануы байқалады.
«Қазақстан Республикасы және 8 өңір тәуекелі жоғары аймақтан тәуекелі орташа аймаққа көшті. Тәуекелі орташа аймақтан тәуекелі төмен, «жасыл» аймаққа 3 өңір: Жамбыл, Маңғыстау және Қызылорда облыстары көшті», деді Алексей Цой.