Боксшылар Оралда бас қосады
<p class="2018-" style="text-align: justify;">Бокстан ерлер және әйелдер ара­сындағы биылғы ел біріншілігінің өтетін уақыттары белгілі болды. Жі­гіт­тер 14-24 желтоқсан аралығында Оралда жұдырықтасса, әйелдер 7-12 жел­тоқ­сан күндері Ақмола облысының Шу­чинск қаласында шаршы алаңға шығады.</p>
Ерлер арасындағы бәсекелер АИБА-ның жаңа ережесі бойынша 13 салмақ дәрежесінде өтеді. Бұл біріншіліктен жуырда ғана Сербия астанасы – Белградтағы әлем біріншілігінде жүлде алған боксшылар босатылған. Атап айтқанда, жанкүйерлер Оралдағы шаршы алаңда әлем чемпиондары – Теміртас Жүсіпов (48 кг) пен Сәкен Бибосынов (51 кг), күміс жүлдегерлер – Сабырхан Махмұд
(54 кг), Серік Теміржанов (57 кг) және қола медаль иегері Абылайхан Жүсіповтің өнерін тамашалай алмайды.
Сондай-ақ бас бапкер Қайрат Сәтжановтың шешімі бойынша Асланбек Шымбергенов (71 кг) пен Токио Олимпиадасының қола жүлдегері Қамшыбек Қоңқабаев (+92 кг) та биылғы додаға қатыспайды. Қоңқабаев осы айда кәсіпқой бокстағы кезекті жекпе-жегін өткізетінін де айта кетейік. Ал қалған боксшылардың бәрі ұлттық құрама сапына қосылу үшін ел чемпионатында бақ сынайды.