Нұр-Сұлтанда Азия чемпионаты өтеді
<p class="2018-" style="text-align: justify;">Күні кеше ғана әлемдік және құрлық­тық триатлон федерациялары 2022 жылдың 23–24 маусым аралығында Нұр-Сұлтанда U23 пен Junior санат­тарындағы спортшылар арасында Азия чемпионаты өтетінін растады.</p>
Бұл ақпаратты Қазақстан Республикасы Ұлттық Олимпиада комитетінің ресми сайты таратып отыр. Осылайша, ел астанасында алғаш рет 2022 Asia Triathlon Junior and U23 Championships Nur-Sultan атты құрлықтық біріншіліктің жалауы желбірегелі отыр. Негізі бұл бәсеке 2021 жылы ұйымдастырылуға тиіс еді. Алайда әлемдегі тұрақсыз эпидемиялық жағдайға және бірқатар елдердегі шектеулерге байланысты аталған жарыс белгіленген мерзімде өткен жоқ.
Еске сала кетейік, 24 шілдеге TEMIRADAM Кубогының V кезеңі жоспарланып отыр. Pro және Age Group санатындағы сайыскерлер құрлықтық чемпионаттың тарихи дистанциясында сынға түсу мүмкіндігіне ие болды.