Астанада темір жол билеттерін электронды сату орталығы ашылды

Бүгін, 12 наурыз күні Астана вокзалында жолаушыларға арналған электронды сату орталығы ашылды. Бұл туралы Egemen.kz тілшісі хабарлады. Электронды сату орталығы - халыққа қолма-қол немесе электронды ақша арқылы және автоматтандырылған қызмет көрсету кассалары арқылы билет сатудың жаңа әдісін ұсынады. Сондай-ақ, онда жолаушылар ақпараттық тақтадан пойыздар кестесі мен бос орындар туралы біле алады. Мұнан өзге, кеңесшілердің көмегіне жүгіне алады. Бұл жаңа қызмет кассалардағы кезекті азайту мақсатында ашылып отыр. Нұрбай Елмұратов. Дереккөз: Egemen.kz. Фото: Newskaz.ru.