Сәбиіне зақым келмеді

Көшеде келе жатып қатты тай­ға­на­ған Талшын құлап ба­ра жатып, барынша ішіндегі шаранаға зақым келтірмеуге тырысқандықтан, оң жақ аяғы төмен жағынан екіге бөлініп, сынып кеткенін ойлауға шамасы келмеген еді.

Талшынды №4 қалалық ауру­ха­на­ға әкелген кезде жүк­тілігінің 40-шы аптасы бас­та­лып, тура бір аптадан соң бо­сан­уға тиіс болатын. Травма­то­лог­терге мұндай жағдайда аяғы ауыр әйелдің толғағын келтірмей және іштегі нәрестеге де ешбір зақым тигізбей қалай ота жасауға болады деген күр­де­лі мәселені шешуге тура кел­ді.

«Аяғы морт сынған жүкті әйелдің бізге әкелінгені туралы хабарланған сәттен бастап консилиум жинау туралы шешім қабылданды. Қабылдау бөлімшесінде науқасты клини­ка­ның жетекші травматолог, ортопед, хирург, анестезиолог және гинеколог дәрігерлері қарсы алды. Тез әрекет ету керек болды. 27 жастағы пациент тұңғышына аяғы ауыр екен. Әйелдің босанатын мерзімі жеткенін ескере оты­рып, көмек көрсетудің бір­не­ше әдісі қарастырылды. Хирур­гия­лық ем жүргізу туралы шешім қабылданып, сүйек кемігі ішілік бұғатталатын өзек­шемен асықты жіліктің остео­синтезі жасалды. Бұл әйелге кесарь тілігіне жүгінбей бо­сануға, сондай-ақ тез аяққа тұрып, сәбиді күтуге мүмкіндік беретін еді», дейді Алматыдағы №4 қалалық клиникалық ауруханасы бас дәрігерінің орынбасары Сәуле Марденова.

Шұғыл түрде жүкті науқас жан­сақ­тау бөліміне жатқы­зы­лады. Отаны қабылдау бөлі­мі­нің меңгерушісі Ма­гадин Хай­роев жүргізіп, әріп­те­сіне жетекші травматолог Кон­стан­тин Морозов көмек­те­сті. Күр­де­лі отаға акушер-гинеколог және нео­натологі бар №4 перзентхана дәрігерлерінің бригадасы да қатысты. Операция 1,5 сағатқа созылды. Бұл травматологтен зергерлік дәлдікті талап ететін жағдай болғандықтан, операцияішілік рентген жүйесі қол­данылды.

«Сүйек кемігі ішілік бұ­ғат­талатын өзекшемен оң жақ асықты жіліктің жабық остео­син­тезі жасалды. Бұл – сыртынан бекітпей жасалатын сүйек сынықтарының қосын­ды­сы. Остеосинтез сы­нық­тардың толық біріккенге дейін мықты бекітілуін қамта­ма­сыз етеді. Бұл әдістің артық­шы­лығы сонда, оның ағзаға зақымы барынша аз. Сонымен қатар біз науқастың отадан бірнеше күн өткен соң сынған аяғына күш сала алғанын қалаймыз», деді дәрігер Магадин Хайроев.

Әрі қарай дәрігерлер Тал­шын­ның өз күшімен босануын күтуге шешім қабылдайды, әрине бұл ана­сы­ның қиналмай, нәрестесінің де күйзеліссіз дүниеге келуіне септесті. №4 перзентхананың акушер-гине­ко­лог­тері жүкті әйелге ауруханада күн сайын барып тұрды. Қазір дәрігерлер ота кезеңі мен отадан кейінгі кезеңді сабырмен өткерген Талшынның ерлі­гі­не тәнті болып отыр. Ол үрейге бой алдырмай, ерекше шыдамдылық та­ныт­қан.

Осыдан кейін ғана Талшын босану үшін №4 перзентханасына ауыстырылды, ал 2 қаңтарда ұл туды.

«Біз жұбайым екеуміз №4 қала­лық ауруханасы мен перзентхана дәрі­герлеріне өте ризамыз. Олардың көмегінің арқасында қол-аяғымды бауырыма алып, дұрыс босандым. Ұлымыз 3 400 гр салмақпен дүниеге келді, атын Сұлтан деп койдық. Бұл жарақат пен отадан кейін бір апта өтті, қазір өзім жүре аламын. Дәрі­гер­лердің қарауында бол­ған кезде олардың шынайы қам­қорлығына бөлендім. Құдай ақ халатты абзал жандарға мызғымас денсаулық берсін», деді Талшын перзентханадан шыққан күні.

АЛМАТЫ