Ұжымдық иммунитет деңгейі 53%-ды құрады - А.Есмағамбетова
<p style="text-align: justify;">Еліміздің бас мемлекеттік санитарлық дәрігері Айжан Есмағамбетова онлайн-брифинг барысында бүгінгі таңда Қазақстанда 10 млн-нан астам адам коронавирусқа қарсы вакцинаның алғашқы дозасын алғанын хабарлады, деп жазады <a href="/" target="_blank" rel="noopener noreferrer">Egemen.kz</a>.</p>
«Бүгінде вакцинация мен ревакцинация жүргізу жалғасуда. Қазіргі уақытта елімізде 10 миллионнан астам адам коронавирусқа қарсы вакцинаның алғашқы дозасын алды. Егілетін ересек тұрғындардың санын айтатын болсақ - бұл 82%-дан артық, ал егер халық санынан ұжымдық иммунитетті есептесек, онда бұл көрсеткіш 53%-ды құрайды», деді ҚР Бас мемлекеттік санитарлық дәрігері.
Сонымен қатар, ол халыққа ревакцинация қажет екенін еске салды, себебі ол ұжымдық иммунитетті құру ғана емес, сонымен қатар оның деңгейін қолдауға бағытталған.