«Ғажайып әлем»
<p style="text-align: justify;">Нұр-Сұлтан қаласы №1 Ба­лалар музыка мектебінің үлкен «Эс­традалық вокал» бөлімінің 2-сы­нып оқушысы Айзада Аманжол­қызының «Ғажайып әлем» респуб­ликалық олимпиа­дасында үздік деп танылып, үздік балалар ертегілер топтамасына енген «Айзаданың ғажайып әлемі» ертегісі желісі бойынша М.Дәулетбақ атындағы балалар театры оқу­шы­ларының қа­тысуымен «Айзаданың ға­жайып әлемі» атты мюзикл-ертегі премье­расы өтті.</p>
Мемлекет басшысы Қасым-Жомарт Тоқаев өскелең ұрпаққа жол ашу үшін барлық жағдайды жасау қажеттігін айта келе, осы жылды «Балалар жылы» деп жариялаған еді. «Балаларға ерекше назар аудару керек. Өскелең ұрпақтың үйлесімді дамуы мен бақытты балалық – бұл біздің жалпы ұлттық міндетіміз», деді Президент. Осы орайда жас балдырған Айзаданың қиялынан туған бұл ертегі бақытты балалықты суреттеп, отбасылық құндылықтарды, ата-ана мен бала, туыс арасындағы жылылықты, бауырмалдылықты, жанашырлықты, бір-біріне деген сенімді дәріптеп, жас көрерменнің патриоттық сезімін, Отанға деген сүйіспеншілігін оятып, отбасылық құндылықтарды нығайтып, шығармашылыққа деген қызығушылығын арттырып, көтеріңкі көңіл күй сыйлайды.
Республикалық түрлі байқауларға қатысып, жеңімпаз атанып жүрген Айзада Аманжолқызының көркемдік жетекшісі – Қазақстанның Мәдениет қайраткері, Мәдениет саласының үздігі, Қазақ ұлттық өнер университетінің профессоры Майра Дәулетбақ.