Бразилияда толассыз жауыннан 7 адам көз жұмды
<p style="text-align: justify;">Бразилияның Рио-де-Жанейро штатында толассыз жауған жаңбыр салдарынан кемінде жеті адам қаза тауып, төрт адам із-түзсіз жоғалып кетті. Бұл туралы дүйсенбі күні Globo телеарнасы мәлім етті, деп хабарлайды <a href="/" target="_blank" rel="noopener noreferrer">Egemen.kz</a>.</p> <p style="text-align: justify;"><br /><br /></p>
Ақпан айында жауған жаңбырдың салдарынан 230-дан астам адам қаза тапқан таулы Петрополис қаласында құтқарушылар апаттан зардап шеккен тағы бес адамның денесін тапты.
Префектураның мәліметі бойынша, қаланың әртүрлі бөліктерінде жексенбі күні небәрі 12 сағаттың ішінде 307-ден 370 мм-ге дейін жауын жауған. Ал ақпандағы қайғылы күні Петрополисте 260 мм жауын жауды.
Оқиға орнына құтқару қызметтері жұмыс істеп жатыр. Рио-де-Жанейро штатының оңтүстік жағалауындағы Ангра-дус-Рейс курорттық қаласында тағы екі адам қаза тапты.