Тікелей диалогтың маңызы зор
<p style="text-align: justify;">Мен өзімді Қазақстанның адал досымын деп есептеймін. Сондықтан Президент Қасым-Жомарт Тоқаевтың 16 наурыздағы Қазақстан халқына Жолдауымен мұқият танысып шықтым. Мемлекеттің осы жылдағы басты құжаты көңілімнен шыққандықтан Қазақстан көшбасшысының реформаларына байланысты кейбір ойларыммен бөліскенді жөн санадым.</p>
Президент ұсынған реформалар елдегі саяси процестерді дамытуға, соның ішінде суперпрезиденттік басқару нысанынан бас тартуға, Президент пен Парламенттің тепе-теңдік жүйесін жетілдіруге, партиялар үшін тіркеу шегін төмендетуге бағытталғандығын маңызды деп санаймын.
Көппартиялық мәдениетті дамыту, азаматтық қоғаммен диалогты кеңейту бастамасы, мемлекет басшысының өз халқының сенімі мен қолдауына ие болуы, қоғам мен билік электораттың мәселелерін ашық, тікелей диалогта шешуі ел дамуы үшін үлкен маңызға ие.
Президент Қасым-Жомарт Тоқаевтың саяси бастамаларын, оның «Халық үніне құлақ асатын мемлекет» ұстанымын іске асыру да әлеуметтік-экономикалық жағдайды жақсартуға, макроэкономикалық тұрақтылықты қамтамасыз етуге ықпал ететініне сенімдімін.
Словакияның Қазақстандағы бұрынғы елшісі ретінде жаңа Қазақстанды қолдаймын және Қазақстан халқына амандық тілеймін.
Душан ПОДГОРСКИ,
Словакияның 2005-2011 жылдардағы Қазақстандағы елшісі