Қазақстанда қайта вакцинациялау басталды
<p style="text-align: justify;">Бас санитар дәрігерінің коронавирус инфекциясына қарсы қайта вакциналауға рұқсат беретін қаулысы шықты, деп хабарлайды <a href="/" target="_blank" rel="noopener noreferrer">Egemen.kz</a>.<br /><br /></p>
Атап айтсақ, ҚР бас санитар дәрігерінің 2022 жылғы 13 қаңтардағы №2 қаулысына өзгеріс енгізіліп отыр.
«КВИ-ге қарсы, оның ішінде Дүниежүзілік денсаулық сақтау ұйымы мақұлдаған вакциналармен вакцинациялаудың толық курсын қайта жүргізуге жол беріледі. КВИ-ге қарсы вакцинациялаудың толық курсын қайта жүргізуге егілетін адамның немесе оның заңды өкілдерінің профилактикалық егулердің қайталама курсын жүргізуге ерікті түрде хабардар етілген келісімін алғаннан кейін ғана осы алгоритмге 1-қосымшаға сәйкес нысан бойынша жазбаша түрде жол беріледі», делінген құжатта.
Құжатқа сәйкес, коронавирусқа қарсы толық қайта вакциналаудан өту үшін алдыңғы екпе алған күннен кейін кемінде 3 ай уақыт өтуі керек.
1 мамырдағы дерекке сәйкес, елімізде коронавирусқа қарсы вакциналаудың толық курсын 9 246 600 адам алды. Денсаулық сақтау министрі Ажар Ғинияттың мәліметі бойынша, ревакциналаудан 2,4 млн адам өткен.