Шымкентте екі оқушыны көлік қағып кетті

<p style="text-align: justify;">Шымкентте Hyundai жүргізушісі тротуарда тұрған екі оқушы қызды қағып кетті, деп хабарлайды <a href="/" target="_blank" rel="noopener noreferrer">Egemen.kz.</a></p>

Оқиға 5 мамыр таңертең әл-Фараби көшесіндегі алтыншы емхананың алдында болған.

Жүргізуші әйел басқа көлікпен соқтығыспауға тырысып, тротуарға шығып кеткені белгілі болды. Осы кезде қиылыста екі оқушы бағдаршамның жасыл түсін күтіп тұрған.

Бастауыш сынып оқушылары балалар ауруханасына жеткізілді.

Жүргізушіге қатысты Әкімшілік құқықбұзушылық туралы кодекстің 610-бабының 2-бөлігіне сәйкес (Көлiк жүргiзушiлерінiң жол жүрісі ережесін бұзуы адамдардың денсаулығына зиян келтiруге алып келуі) хаттама толтырылған.

Екі көлік те айыппұл тұрағына қойылды.