Алтын қорының 36 пайызы ШҚО-да шоғырланған
<p style="text-align: justify;">ҚР Экология, геология және табиғи ресурстар министрлігі Геология комитетінің төрағасы Талғат Сатиев орталық коммуникациялар қызметінде өтіп жатқан брифингіде осындай мәлімет келтірді, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Жалпы пайдалы қазбалар қорын есепке алу 103 компонент бойынша жүргізіледі. Оның ішінде көмірсутекті шикізат бойынша - 7, қатты пайдалы қазбалар бойынша - 61, кең таралған пайдалы қазбалар бойынша - 32, жерасты сулары бойынша - 3 компонент барланған», деген Талғат Сатиев Қазақстан үшін қатты пайдалы қазбалардың ішінде алтын, мыс, қорғасын, мырыш компоненттерінің орны ерекше екенін атады.
«Алтын кен орындарының негізгі қоры Шығыс Қазақстан облысында шоғырланған – 36%. Ақмола облысында - 21%, Қарағанды облысында – 11% алтын қоры шоғырланған. Ал мыс қорының 82%-ы елдің шығыс және орталық өңірлерінде шоғырланған. Қорғасын-мырыш кен орындарының 41%-ы орталық Қазақстанда, 33%-ы шығыс Қазақстанда және 21%-ы оңтүстік Қазақстанда шоғырланған», деді комитет төрағасы.
Аяна Тоғанбек