Әркім үлес қосатын бастама
<p style="text-align: justify;">Парламент Мәжілісінің депутаттары, Amanat партиясының республикалық штаб мүшелері Бақытбек Смағұл, Геннадий Шиповских және Балайым Кесебаева Қазалы ауданы тұрғындарымен кездесуде референдумға қатысу қоғамды жаңартуға қосылатын үлес екендігін айтты.</p>
Ардагерлер, ҮЕҰ өкілдері және жастармен жүздесуінде Бақытбек Смағұл басты заңға енгізілетін түзетулер халықтың әл-ауқаты мен тұрмысын жақсартып, барлық салаға өзгеріс әкелетінін жеткізді.
Депутат Геннадий Шиповскихтің Ақтан батыр, Жанқожа батыр ауылдарының тұрғындарымен, Қазалы вагон пайдалану депосы, локомотив жөндеу зауыты ұжымдарымен, аудандағы көлік-техникалық колледжі қызметкерлерімен кездесуде референдумның маңызы жайлы мағыналы әңгіме өрбіді.
Ал білім және мәдениет саласының қызметкерлерімен кездескен Балайым Кесебаева жүзеге асырылатын реформа елді демократияландыруға жасалып отырған қадам екеніне тоқталып өтті.
– 5 маусымда өтетін референдум тарихи мәні зор, ел өміріндегі маңызды оқиға. Оған қатысу Жаңа Қазақстанды құру бастамасына қосылған үлес, – деді Балайым Туғанбайқызы.
Кездесулерде тұрғындар жалпыұлттық референдум өткізу бастамасын қолдайтынын және саяси жаңғыру үдерісінен тыс қалмайтындықтарын жеткізді.
Қызылорда облысы