Объективтегі Марқакөл қазағы
<p style="text-align: justify;">Бұл фотосурет географ, ботаник, этнограф, Том мемлекеттік университетінің профессоры (Сібірде құрылған алғашқы жоғары оқу орны), Оңтүстік Сібір өлкесін зерттеуге елеулі үлес қосқан В.В.Сапожниковтың (1861-1924) фотосуреттер жинағынан алыныпты.</p>
Ол бұл фотосуреттерді 1895-1899 жылдары Таулы Алтайға жасаған экспедициялары кезінде түсіріп, кейін Барнаулдағы Алтай мемлекеттік өлкетану мұражайына берген. Зерттеуші 1904 жылы мұражайға жасаған экспедицияларының фото жинағы мен соған байланысты материалдарын аталған музейге табыстаған. Әрбір фотосуретке Сапожников жазған географиялық анықтамасы бар аннотация қоса берілген. Топтама Оңтүстік Сібір аймағының әртүрлі географиялық нысандарын қамтитын күрделі және әсерлі көріністерімен ерекшеленеді. Көптеген фотосуретте Сапожников пен басқа экспедиция мүшелерінің қиын сәттермен күресіп, өзендердің суы тасыған шақтағы кездескен қиындықтарды жеңгенін байқауға болады. Фотосурет иесінің ғылыми қызметі 1898 жылы ол қызмет атқарған Орыс географиялық қоғамымен тығыз байланысты. Аталған коллекция Алтай мемлекеттік өлкетану мұражайында сақтаулы. Бұл жәдігер суреттер 2000 жылдардың басында «Шекаралар кездесуі» цифрлық кітапхана жобасы үшін цифрландырылыпты.