Эвенепул есе жіберетін емес
<p class="2018-" style="text-align: justify;"><span style="letter-spacing: -.2pt;">Бір күндік демалыстан соң «Вуэльта» көпкүндігі қайта жалғасты. 16-кезең­дегі сайыс Санлукар-де-Барра­меда мен Томарес арасындағы жазық далада өтті. </span></p>
189,4 шақырымдық бәсекеде Мадс Педерсенге тең келер ешкім табылмады. АҚШ-тың Trek-Segafredo клубы сапындағы даниялық велошабандоз сол қашықтықты 4 сағат 45 минут 29 секундта жүріп өтті. Одан кейінгі орындарды БАӘ-нің UAE Team Emirates командасының намысын қорғайтын германиялық Паскаль Аккерман мен немістердің BORA-hansgrohe ұжымының үздігі, нидерландтық Данни Ван Поппель олжалады. «Астаналықтар» арасынан ең тәуір көрсеткішке Самуэле Баттистелла қол жеткізді. Италиялық легионер мәре сызығын алтыншы болып қиып өтті.
Жалпы есепте жағдай өзгерген жоқ. Қазақстандық команданың серкесі Мигель Анхель Лопес бұрынғысынша алтыншы сатыда тұр.