Әмен Қайдаров туралы анимациялық фильм

Ұлттық анимация атасының өміріндегі ең жарқын сәттерге негізделген фильм «Әмен аға­ның ғажайып ағашы» жұ­мыс атауымен қысқаметрлі ани­мациялық туындылардың қата­рын толықтырмақ. Аталған кар­­­тина Ш.Айманов атындағы АҚ «Қазақфильм» киностудия­сында Ұлттық киноны қолдау мемлекеттік орталығының қол­­дауымен Мәдениет және спорт министрлігінің тапсырысы бойынша түсірілуде. Ани­мациялық фильмнің сцена­рийін Әмен Қайдаровтың шәкірті Та­мара Мұқанова мен қазақ мифо­логиясын зерттеуші, жазушы, киносценарист Зира Нау­рызбаева жазған.

«Фильм желісі Әмен ағаның «Қарлығаштың құйрығы неге айыр?» фильмінде жұ­мыс істе­ген жылдарымен тікелей бай­­ланысты өрбиді. Шығар­машы­лығын балалар әлемімен бай­ланыстырған Әмен ағаға шабыт қалай келді, ол анимация өнерімен қалай айналыса бас­тады, түсірілім кезіндегі басқа да бастан кешкен қиындықтары мен қызықтарын бүгінгі кө­рермен білуге тиіс деп ойлаймын. Негізгі мәліметтер мен әде­­би де­ректер марқұм Б.Нө­гербековтің «Когда оживает сказ­ки» кі­та­бынан алынды. Фильм тар­мақты тәжі аспанға жет­кен ерек­ше алма ағашының ақ-қара сызбасынан басталады, желмен бірге сыбдырлаған үл­кен жапырақтары мен жердің қалың қатпарына сіңіп, құнар­лана түс­кен тамырлары ұлттық ани­мацияның символикалық бей­несі іспетті. Әмен аға ағашының ерекшелігі де сол. Мұқият зерттегенде, алмалар дөңгелек қаңылтыр жәшіктер болып шығады (ол кездегі фильмдер дөңгелек қаңылтыр жәшіктерде сақталған)», – деді фильмнің қоюшы режиссері Жанәділ Байдарбеков.

«Жалпы, 10 минуттық фильм жасауға кемінде жарты жыл уақыт кетеді. Қазір бізде тех­никалық тұрғыдан біраз қиын­дықтар бар. Себебі суретте тек мультфильм жасау­шыларды ғана емес, Әмен ағаның жанында жұмыс істе­ген Нұрғиса Тілендиев, Олжас Сүлейменов сынды мәдение­тіміздің көр­некті қайрат­кер­лерінің, өзге де белгілі тұлға­лардың образын, түр әлпетін барынша ұқсатып жасау үл­кен жауапкершілікті жүк­теп отыр»,– дейді жас режиссер.

«Әмен ағаның ғажайып ағашы» жұмыс атауымен қолға алған анимациялық фильмін жасауға он шақты маман жұ­мыл­дырылған. Жоспар бойын­ша жыл соңына дейін туын­дыны аяқтау міндеті тұр. Қазақ­стандық көрерменге ал­дағы жылдың көктем айында Әмен Қайдаровтың 100 жылдық мерейтойы қарсаңында жол тарт­ады.

АЛМАТЫ