Сайлау: тағы үш кандидат құжаттарын өткізді

<p style="text-align: justify;">ҚР Президенттігіне кандидатурасын ұсынған үш үміткердің құжаттары мемлекеттік органдардың қарауында жатыр. Бұл туралы ҚР Орталық сайлау комиссиясының мүшесі Шафкат Өтемісов мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>

Бүгінгі таңда Орталық сайлау комиссиясы жеті адамның құжаттарын қабылдады. Олардың төртеуі кандидаттарға қойылатын барлық талаптарға сәйкес деп танылды.

«Сәйкес келген үміткерлер – Мейрам Қажыкен, Жигули Дайрабаев, Нұрлан Әуесбаев, Қасым-Жомарт Тоқаев. Үш кандидаттың құжаттары қазір мемлекеттік органдарда, олар Нұржан Әлтаев, Талғат Ерғалиев және Қарақат Әбден», деді Шафкат Өтемісов баспасөз мәслихаты барысында.