Сардарлар саптан шықпайды
<p style="text-align: justify;">Алматыда Радиоэлектроника және байланыс әскери-инженерлік институтының оқу-жаттығу орталығында әскери міндеттілердің оқу-жаттығу жиыны аяқталды.</p>
Сабақтарды әскери білім ордаларының оқытушылары мен тәжірибелі нұсқаушылары өткізді. Бір айлық дайындық барысында запастағы офицерлер заманауи байланыс құралдарымен жұмыс істеп, бөлімшелерді басқару негіздерінен білімін және қаруды меңгерудің практикалық дағдысын жетілдірді.
– Жиынға шақырылғандар өздерін оң қырынан көрсетті. Сондай-ақ олардың оқу-жауынгерлік міндеттерді орындауға дайын екенін атап өткім келеді, – деді Радиоэлектроника және байланыс әскери-инженерлік институтының өкілі полковник Айдын Чунетов.
Жиынға қатысушы Алматы облысынан шақырылған запастағы лейтенант Нұрсұлтан Бекбосынұлы кәсіпкерлікпен айналысады. Шақырту қағазын алған соң ол белгіленген мерзімде жинау пунктіне келіп, оқудан өтті.
– Сабақ жоғары кәсіби деңгейде өтті. Өзіме қажетті теориялық және практикалық пайдалы тәжірибе алдым, – деп атап өтті Нұрсұлтан Бекбосынұлы.
Әскери міндеттілер оқу бағдарламасын меңгергенін емтихандар мен сынақтар тапсырып растады. Одан өзге запастағы офицерлерге кезекті әскери атақтар да берілді.