Алғашқы ойында тең түсті

<p class="2018-" style="text-align: justify;">Футзалдан Чемпиондар лигасының топтық бәсекесіне қатысып жатқан қазақстандық «Қайрат» пен «Аят» клубтары алғашқы матчтарын өткізіп, қарсыластарымен тең түсті.</p>

Негізгі кезеңнің бірінші тобында өнер көрсететін Алматының «Қайраты» бірінші турда Бельгияның «Спортинг Андерлехт» клубымен кездесіп, 2:2 есебімен тең ойнады. Матчтың бесінші минутында алаң иелерінен Франко Елович есеп ашса, 17-минутта «Қайраттың» ойыншысы Руис Лавратти таразы басын теңестірді. Дегенмен екінші таймда «Андерлехт» тағы да есепте алға шығып алды. Голдың авторы – Диого. Матчтың аяқталуына екі минут қалғанда Кака алаңға бесінші ойыншыны шығарды. Нәтижесінде, Дәурен Тұрсағұлов 38-минутта мергендік танытып, командасын жеңілістен құтқарып қалды – 2:2. «Қайрат» кеше екінші турда Испанияның «Пальма» ұжымымен ойнады.

Сондай-ақ Рудныйдың «Аяты» да алғашқы турда ұпай бөлісуге мәжбүр болды. Хорватияда өткен матчта қазақстандық клуб жергілікті «Ново Вриеме» клубымен кездесіп, тең түсті. «Аят» сапынан Антон Рындин мен Леандро гол соқса, алаң иелерінен Тони Елавич бір голды өз еншісіне жазды. Өкінішке қарай, Азат Валиуллин байқаусызда өз қақпасына гол соғып алды. «Аят» кеше Португалияның «Спортинг» клубымен шеберлік байқасты.