Бірқатар өңірде жауын-шашын күтіледі
<p class="p1" style="text-align: justify;"><span class="s1">Қазақстан аумағының басым бөлігінде ауа-райы тұрақсыз болып, жауын-шашын күтіледі. Бұл туралы «Қазгидромет» РМК-ның 2022 жылғы 30 қазанға арналған ауа райы болжамында айтылған, деп хабарлайды <a href="/" target="_blank" rel="noopener noreferrer">Egemen.kz</a>.</span></p>
Синоптиктердің болжамына сәйкес, елдің оңтүстігінде, оңтүстік-шығысында қатты жауын-шашын (жаңбыр, қар) күтіледі.
«Тек Ақмола, Солтүстік Қазақстан, Шығыс Қазақстан облыстарында жауын-шашынсыз ауа райы сақталады. Республика бойынша тұман, көктайғақ, жел күшейеді деп күтілуде», делінген «Қазгидромет» хабарламасында.
Сондай-ақ синоптиктер Астана, Алматы және Шымкент қалаларында қандай ауа-райы болатынын айтты.
Астанада ауыспалы бұлттылық, күндіз – аздаған жауын-шашын (жаңбыр, қар) болады деп болжануда.
Алматыда күннің екінші жартысында жаңбыр жауады деп күтілуде.
Шымкентте ауыспалы бұлт, жаңбыр, таңертең және түстен кейін кейде қатты жаңбыр жауады деп күтіледі.