Дайындық жұмыстары тиянақты

Осы мақсатта Орталық сайлау комиссиясының хатшысы Мұхтар Ерман Шымкент қаласы мен Түр­кістан облысына, ал Орт­сай­лау­ком мүшесі Сәбила Мұстафина Жетісу облысына барды.

Өңірлерде Ортсайлауком мү­ше­­лері аумақтық және учас­ке­лік сайлау комиссиялары, жер­гілікті атқарушы органдар, канди­дат­тардың сайлауалды штабтары, уә­­кілетті мемлекеттік органдар, құ­қық қорғау органдарының мү­ше­­­лерімен және БАҚ өкілде­рінің қа­тысуымен семинар өткізді.

Семинар аясында аумақтық сайлау комиссияларының мүше­лері мен жергілікті атқару­шы ор­ган­­­дардың өкілдері Ортсай­лау­ком мүшелерін президент сайлауы­на дайындық жұмыстарының бары­сымен таныстырды.

Шымкент қаласы әкімі аппа­­­ра­тының басшысы Ғабит Мәуленқұлов шаһарда 312 сайлау учаскесі жұмыс істейтінін, сай­­лаушылар саны 634 818 адам­­ды құрайтынын хабарлады. Сай­лаушылар тізімі 30 қазанда сайлау комиссияларына берілген, ал 4 қарашадан бас­тап сайлаушыларға танысу үшін ұсынылған. Президент сайлауы туралы халықты ақпараттандыру бойынша ауқымды ақпараттық жұмыс жүргізіліп жатыр. Қала бо­йынша 28 жарық диодты экран және 122 сайлау баннері орна­тыл­ған.

Мүгедектігі бар сайлаушылар саны – 7 514. Барлық сайлау учаскелерінде азаматтарға ар­нал­ған арнайы пандустар, нашар көретін азаматтарға арналған так­тильді жолақтар, арнайы бұ­рыш­тар және басқа да қажетті жаб­­дықтар бар. Дауыс беру күні мүге­­дектігі бар азаматтар үшін 28 «Инватакси» және 53 әлеуметтік такси ұйымдастырылады.

Электоралды оқыту аясында сайлау комиссияларының 2 382 мүшесі тестілеуден өтіп, сертификаттар алды.

Семинар жұмысына және Шым­кент қаласындағы прак­ти­ка­лық тренингке ЕҚЫҰ ДИАҚБ Миссиясының өкілдері де қатысты. Прокуратура және ішкі істер ор­ган­дарының қызметкерлері се­ми­нарға қатысушыларды сайлау үдерісіне қатысушылардың сайлау заңнамасын сақтауын қадағалауды жүзеге асыру, дауыс беру күні сай­лау учаскелерінде құқықтық тәр­тіпті қамтамасыз ету туралы ха­бардар етті.

Түркістан облысының АСК төра­ғасы Әлібек Омарәлиев об­лыс бойынша сайлаушылар тізі­міне барлығы 1 163 860 азамат енгізілгенін хабарлады. Сайлау­шы­лар тізімі 30 қазанда учаскелік сайлауға берілді, ал 4 қарашадан бастап сайлаушыларға танысу үшін ұсынылды. Сайлау учаскесін нақтылау бойынша Call-орталыққа 2 139 қоңырау келіп түссе, 8 211 сұрау жеделхат-бот арқылы келген.

Түркістан облысы әкімі аппа­­ра­тының басшысы Әуелхан Тұрғымбековтің айтуынша, өңірде президент сайлауы туралы азаматтарды ақпараттандыру бойынша белсенді ақпараттық-түсіндіру жұмыстары жүргізіліп жатыр. Атап айтқанда, өңірлік теледидарда 4 180 материал, ақпараттық сайттарда – 1 985, баспа БАҚ-та – 817, әлеуметтік желілерде 53 494 материал жарияланды. Сонымен қатар 613 сыртқы жарнама материалдары орналастырылды, адамдар көп жиналатын жерлерде 122 демонстрациялық экранда сайлау туралы бейнероликтер үнемі көрсетіледі.

Түркістан облысында мүге­дек­тігі бар 60 329 адамның белсенді сайлау құқығы бар. Облыстың сайлау учаскелері пандустармен және тактильді көрсеткіштермен қамтамасыз етілген.

Сайлау күні облыста мүгедек­тігі бар адамдарға 36 инватакси және 42 әлеуметтік такси қызмет көр­сетеді. Нашар еститін азаматтар үшін сайлау учаскелеріне жест тілінің 101 маманын тарту жоспарланып отыр.

Облыс әкімі аппараты басшы­сының орынбасары Бақытгүл Нү­сіпова облыста 447 сайлау учас­кесі бар екенін, сайлаушылар саны 445 762 адамды құрайтынын хабар­лады. Сайлаушылар тізімі 30 қазанда сайлау комиссияларына берілді, ал 4 қарашадан бастап сайлаушыларға танысу үшін ұсы­ныл­ған.

Облыстың аудандары мен қала­ла­рында 21 Call-орталық жұмыс істейді. Онда азаматтардан 300-ге жуық қоңырау түскен. Жеделхат-бот және «Сайлаушылар тізімінде өзіңді тексер» онлайн сервисі іске қо­сылды, оны 12 908 азамат пайдаланды.

Сайлау туралы 905 материал аймақтық теледидардан көр­се­тіл­ді. Баспа БАҚ беттерінде 306 материал жарияланды, интернет ре­сурс­тар мен әлеуметтік желілерде 20,4 мыңнан астам пост орналас­ты­рылды.

Жетісу облысында дауыс беру кезінде ерекше жағдайлар қажет 1915 мүгедектігі бар сайлаушы бар. 447 сайлау учаскесінің ішінен барлық дауыс беруге арналған үй-жайлар ғимараттардың бірінші қабаттарында орналасқан, 397 сайлау учаскесінде пандус бар.

Дауыс беру күні мүгедектігі бар азаматтарды сайлау учаске­ле­­ріне жеткізу үшін 70 елді мекенде «Инватакси» қызметінің 24 автокөлігінің жұмысын ұйым­дас­тыру жоспарланып отыр.

Семинар бағдарламасының екінші бөлімінде ОСК мүшелері аумақтық және учаскелік сайлау комиссиялары үшін кейс технологиясы негізінде іскерлік ойын түрінде тренингтер өткізді.

Дауыс беру күніндегі іс-қи­мыл алгоритмі бойынша сайлау комиссиялары мүшелерінің прак­тикалық дағдылары, оның ішінде дауыс беру күніне сайлау учаскесін дайындау, сайлау бюллетеньдерін беру, үй-жайдан тыс жерде дауыс беруге арналған сайлау жәшіктерін тасымалдау, дауыстарды санау алгоритмі, дауыс беру қорытындылары бо­­йын­­ша хаттамаларды ресімдеу тек­серілді. ОСК-ның басқа мүше­лері сайлау комиссиялары мүше­ле­рі­нің іс-қимыл алгоритмі бо­йын­ша нақтылайтын сұрақтар қойып, дауыс беру рәсімін ұйым­дас­тырудағы басты міндет оның ашық­тығын қамтамасыз ету еке­нін еске салды.