Түркиядан 100 мың мигрант депортацияланған

<p style="text-align: justify;">Жыл басынан бері Түркияда заңсыз жүрген 100 мыңнан астам мигрант депортацияланды, деп хабарлайды <a href="/" target="_blank" rel="noopener noreferrer">Egemen.kz</a> Анадолы агентттігіне сілтеме жасап.</p>

Бұл туралы сенбі күні Түркияның Ішкі істер министрлігіне қарасты көші-қон жөніндегі бас басқарма басшылығы хабарлады.

Биылғы жылы 248 727 мигранттың Түркияға заңсыз кіруіне тосқауыл қойылған. Жалпы, 2016 жылдан бері Түркияға заңсыз кіре алмаған мигранттар саны 2 712 148-ге жетті.

Ведомствоның хабарлауынша, қабылданған шаралардың арқасында Түркияға шығыс және оңтүстік шекарадан өткен заңсыз мигранттар саны өткен жылмен салыстырғанда 36 пайызға азайған.