Атыраулықтар 261 сайлау учаскесінде дауыс беріп жатыр
<p style="text-align: justify;">Атырау облысындағы аумақтық сайлау комиссиясының мәліметіне сүйенсек, таңғы 07:00-де 261 сайлау учаскесі жұмысын бастады, деп жазады <a href="/" target="_blank" rel="noopener noreferrer">Egemen.kz</a>.</p>
Оның ішінде 11 жабық учаске бар. Учаскелік сайлау комиссияларының құрамына 1966 адам енгізілген.
«Атырау облысында учаскелік сайлау комиссиялары мүшелерінің құрамына саяси партиялардан 1306 (66,43%), қоғамдық бірлестіктерден 660 (33,57%) адам ұсынылды. Қазір сайлаушылардың саны 409 949 адамды құрады. Өзге облыстардан өз өтінішіне сәйкес тізімге енгізілген 12 956 сайлаушы бар», деп ақпарат таратты аумақтық сайлау комиссиясынан.
Кандидаттардың сенім білдірген 784 өкілі тіркелген. Сондай-ақ, ЕҚЫҰ-ның 2 халықаралық байқаушысы келген.
Ал Х.Досмұхамедов атындағы Атырау университетінің базасында халықаралық байқаушыларға жәрдемдесу орталығы ашылды.