Эйс жасаудың шебері
<p class="2018-" style="text-align: justify;">Теннистен әйелдер арасындағы Қазақ­стан ұлттық құрамасының көшбас­шысы Елена Рыбакина биыл WTA санатындағы жарыстарда 57 матч өткізіп, 370 эйс жасаған. Отанда­сы­мыз осы нәтижемен үздіктер санатын­да екінші орыннан көрінді.</p>
Эйс жасауда ептілік танытқандардың көшін биылғы WTA қорытынды турнирінің чемпионы, әлемдік рейтингте төртінші орынға жайғасқан франциялық Каролин Гарсия бастап тұр. Ол бір жыл ішінде 63 матчқа қатысып, 394 эйс жасаған. Екінші сатыға Елена жайғасса, ресейлік Вероника Кудерметова (59 матч, 265 эйс) үздік үштікке ілікті. Теннис жанкүйерлерінің есінде болса, Рыбакина 2020 жылы 193 эйспен әйелдер теннисі қауымдастығында (WTA) озық шыққан еді.
Ерлер арасындағы АТР жарыстарының қорытындысы бойынша, Қазақстанның бірінші ракеткасы Александр Бублик эйс жасаудан 6-орынға табан тіреді. Ол 55 бәсекеде 715 эйске қол жеткізді. Өткен жылы қазақстандық теннисші бұл жөнінен алдына жан салмаған еді (62 матч, 840 эйс).