Алматыдағы «Тағзым» мемориалы жөндеуге жабылғаны рас па?

<p class="p1" style="text-align: justify;"><span class="s1">Жуырда Алматыда қаңтар оқиғаларының құрбандарына арналған «Тағзым» мемориалы ашылған еді. Бүгін журналист Асхат Ниязов әлеуметтік желіде осы мемориалдың жөндеуге жабылғанын жазды, деп хабарлайды <a href="/" target="_blank" rel="noopener noreferrer">Egemen.kz</a>.</span></p>

Журналист өзінің Instagram парақшасында оқиға орнында түсірілген бейнеролик жариялады. Онда жұмысшылардың мемориалды қызыл лентамен қоршап, жұмыс істеп жатқанын байқауға болады.

Алматы әкімдігінің баспасөз қызметі бұл жайлы түсініктеме берді.

«Мемориал жабылған жоқ және жабылмайды. Белгілі бір учаскелерде мамандар ескертулер бойынша шағын жұмыстар жүргізеді», делінген әкімдік хабарламасында.