«Наурыз» пойызы жолға шықты
<p style="text-align: justify;">Қазақстан Республикасының Мәдениет және спорт министрлігі мен «Жолаушылар тасымалы» АҚ, сондай-ақ «Бурабай Даму» ЖШС мен «Kazakh Tourism» ұлттық компаниясының Наурыз мейрамына орай бірлесіп әзірлеген жобасы іске қосылды.</p>
Ол бойынша күн сайын Астана – Курорт – Бурабай мерекелік электр пойызы қатынайтын болады. Бұл шара ішкі туризмді дамыту мақсатында жүзеге асырылып отыр.
Наурыз мейрамына орай әзірленген этникалық пойыз Астана – Бурабай бағыты бойынша сәуір айының соңына дейін жүреді. Пойыз Астананың «Нұрлы жол» вокзалынан таңғы сағат 06.03 минутта жолға шығып, «Астана-1» вокзалына барып аялдайды, сөйтіп сағат 06.57 минутта әрі қарай жолға аттанады, деп хабарлайды Rail-news.kz.
Пойыз жол-жөнекей үш стансаға ғана тоқтап өтеді. Олар – Ақкөл, Елтай және Макинка. Вагондар кондиционер және биоәжетханамен жабдықталған. Бұлармен бірге жолаушылар мазмұны ойын-сауыққа құрылған және пайдалы ақпараты бар vputi.kz мультимедиялық порталын пайдалана алады.