Жетісу облысында 6 градусқа дейін үсік жүреді
<p style="text-align: justify;">Қазгидромет бірнеше өңірде ауа райына байланысты ескерту жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Жетісу облысында 4 сәуірде түнде 1-6 градус үсік жүреді.
Қызылорда облысының орталығында найзағай күтіледі, шаңды дауыл соғады. Шығыстан соққан желдің екпіні 15-20 м/с жетеді.
Қарағанды облысының батысында, оңтүстігінде шығыстан, солтүстік-шығыстан жел соғады, екпіні 15-20 м/с болады.
Ұлытау облысының солтүстігінде, оңтүстігінде, орталығында шығыстан жел соғады, екпіні 15-20 м/с күтіледі.
Түркістан облысының таулы аудандарында кей уақытта қатты жаңбыр жауады. Облыстың оңтүстігінде, батысында, таулы және тау бөктерлі аудандарында найзағай күтіледі. Шығыстан оңтүстік-батысқа ауысатын жел соғады, облыстың оңтүстігінде, батысында, таулы және тау бөктерлі аудандарында 15-20 м/с.
Шымкент қаласында найзағай жарқылдайды. Шығыстан оңтүстік-батысқа ауысатын жел соғады, екпіні 15-20 м/с.