ЮНЕСКО-ның мәдени мұралар тізіміне енген нысандар саны артады
<p style="text-align: justify;">Мәдениет және спорт министрі Асхат Оралов ЮНЕСКО-ның бүкіләлемдік мәдени мұра тізіміне енетін нысандар саны артатынын айтты, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Қазіргі уақытта ЮНЕСКО-ның бүкіләлемдік мәдени мұра тізіміне Қазақстан Республикасынан 10 нысан енгізілген. 2025 жылға қарай олардың санын 16 бірлікке дейін арттыру жоспарда бар.
Қырғыз Республикасы, Тәжікстан және Өзбекстанмен бірлесіп «Ұлы Жібек жолы: Ферғана-Сырдария дәлізі» сериялық трансұлттық номинациясын дайындау және ілгерілету бойынша жұмыс жүргізіліп келеді. Оның шеңберінде Ұлы Жібек жолы бойындағы 6 нысанды: Сығанақ, Сауран, Ясы, Отырар, Жанкент қалашықтары мен Жетіасар оазисінің ескерткіштерін ЮНЕСКО тізіміне енгізу жоспарланып отыр», деді Асхат Оралов 2023-2029 жылдарға арналған Мәдени саясат тұжырымдамасын таныстыру барысында.