Қарағанды облысы қол добынан өз атағын қорғап қалды
<p style="text-align: justify;"><span class="s4"><span class="bumpedFont15">Бүгін</span></span> <span class="s4"><span class="bumpedFont15">Қарағанды</span></span> <span class="s4"><span class="bumpedFont15">қаласында</span></span> <span class="s4"><span class="bumpedFont15">қол</span></span> <span class="s4"><span class="bumpedFont15">добынан</span></span> <span class="s4"><span class="bumpedFont15">ерлер </span></span><span class="s4"><span class="bumpedFont15">арасында</span></span><span class="s4"><span class="bumpedFont15"> VI </span></span><span class="s4"><span class="bumpedFont15">жазғы</span></span> <span class="s4"><span class="bumpedFont15">Спартакиадасы</span></span> <span class="s4"><span class="bumpedFont15">мәресіне</span></span> <span class="s4"><span class="bumpedFont15">жетті</span></span><span class="s4"><span class="bumpedFont15">, </span></span><span class="s4"><span class="bumpedFont15">деп</span></span> <span class="s4"><span class="bumpedFont15">хабарлайды</span></span> <a href="/" target="_blank" rel="noopener noreferrer">Egemen.kz</a> <span class="s4"><span class="bumpedFont15">Мәдениет</span></span> <span class="s4"><span class="bumpedFont15">және</span></span><span class="s4"><span class="bumpedFont15"> спорт </span></span><span class="s4"><span class="bumpedFont15">министрлігі </span></span><span class="s4"><span class="bumpedFont15">Спортты</span></span> <span class="s4"><span class="bumpedFont15">дамыту</span></span> <span class="s4"><span class="bumpedFont15">дирекциясының</span></span> б<span class="s4"><span class="bumpedFont15">аспасөз</span></span> <span class="s4"><span class="bumpedFont15">қызметіне сілтеме жасап.</span></span></p>
Бір апта бойы кеншілер астанасында 6 өңірдің командасы (Астана, Шымкент қаласы, Қарағанды, Маңғыстау, Ақтөбе және Алматы облысы) айналмалы жүйе бойынша кім мықтыны анықтады.
Шешуші турда бірден 3 команда – Қарағанды, Ақтөбе мен Шымкент гандболшылары бас жүлдеден дәмелі болды. Жарыс қожайыны Астана қаласының командасын ұтып (38-30), ұпай санын 8-ге жеткізді. Осыдан кейінгі Шымкент қаласы мен Ақтөбе облысының арасындағы матчта алғашқысы 33-22 есебімен жеңді. Осылайша, 3 команда да бірдей 8 ұпайдан жинады. Жүлдегерлер доп айырмашылығы бойынша ғана анықталды. Қарағанды облысы жеңімпаз атанса (57-53), Шымкент қаласы күміс (56-55), Ақтөбе облысы (51-56) қола медальға ие болды.
«Осыған дейінгі V жазғы Спартакиада Қарағанды қаласында өткен. Сол кезде 4 команданың арасында (Қарағанды, Астана, Павлодар мен Атырау) кеншілер чемпион атанған. Астана қаласы күміс, Павлодар облысы қола алған. Биылғы жарыстың деңгейі бір саты болсын көтерілген. Соңғы турда 3 команданың бірдей ұпай жинап, тең түсуі соның көрсеткіші», деп еске алады Астана қаласы командасының бапкері Владимир Березин.
Небәрі 2 рет жеңіске жеткен елордалықтар бұл жолы 4-орынмен шектелді. Жазғы Спартакиадаға қатысып жатқан жаңа облыстың бірі Алматы 5-ші, ал Маңғыстау облысы 6-сатыдан көрінді.
«Біз бүгін қола медальды місе тұттық. Қалағанымыз бас жүлде еді. Бүгін Шымкент қаласымен нашар ойнадық. Әсіресе, алғашқы айналымда. Тым көп гол соққызып алған соң айырмашылық көбейіп кетті. Неге бұлай болғанын білмеймін. Демек, әлі дайындықты күшейтіп, тағы жұмыс істеу керек. Енді Ұлттық құрамамен Азия ойындарына дайындық күтіп тұр. Құраманың жуырда жасақталғанына қарамастан жақсы нәтиже көрсетуге барымызды саламыз», деді Ақтөбе командасында ойнайтын Ұлттық құрама қақпашысы Асылхан Набиев Спортты дамыту дирекциясының баспасөз қызметіне берген сұхбатында.
Қазақстан ерлер құрамасы алда Қытайдағы Азиада мен Қатар астанасында өтетін Париж Олимпиадасының іріктеу турниріне қатысады.