«ҚазАвтоЖолдың» бірнеше қызметкері ақша бопсалау күдігі бойынша ұсталды
<p style="text-align: justify;">2023 жылғы 29 маусымда Ұлттық қауіпсіздік комитеті Транспорттық прокуратурамен бірге «НК «ҚазАвтоЖол» акционерлік қоғамы Павлодарлық филиалының басшылығы мен қызметкерлерінің жемқорлық іс-әрекетінің жолын кесті, деп хабарлайды <a href="/" target="_blank" rel="noopener noreferrer">Egemen.kz</a> Ұлттық қауіпсіздік комитетінің баспасөз қызметіне сілтеме жасап.</p>
Іс фигуранттары аймақтағы кәсіпкерден аса ірі көлемде қаржы бопсалады деген күдікпен қамауға алынды.
Бұл факті бойынша материалдар Қылмыстық кодекстің 366-бабы 3-бөлігі 1-тармағы бойынша Сотқа дейінгі тергеудің бірыңғай тізіліміне тіркелді.
Тергеу іс-шараларының жүргізілуіне байланысты өзге ақпарат жария етілмейді.
Жедел-тергеу іс-шаралары жалғасып жатыр.