Қазақтың екі боксшысы «Канело» - Чарло жекпе–жегі кешінде өнер көрсетеді
<p style="text-align: justify;">1 қазан күні Лас-Вегаста (АҚШ) Сауль «Канело» Альварес пен Джермелла Чарлоның жекпе–жегі өтетін кеште Қазақстан боксшылары Бек Нұрмағанбет (10-0, 8 КО) және Әбілхан Аманқұл (4-0, 4 КО) өнер көрсетеді, деп хабарлайды <a href="/" target="_blank" rel="noopener noreferrer">Egemen.kz</a> Sports.kz сайтына сілтеме жасап.</p>
Бек Нұрмағанбет жеңілмеген нигериялық Абимбола Осундаиромен (5-0, 3 КО) алты раундқа есептелген жекпе-жек өткізеді.
Әбілхан Аманқұл америкалық Джошон Джеймспен (7-0-1, 4 КО) жекпе-жекке шығады. Орта салмақтағы аталған жекпе-жек те алты раундқа жоспарланған. Бұл жекпе-жек Астана уақытымен сағат 03:30-да басталады. Тікелей трансляция спорт жанкүйерлеріне қолжетімді болады.
Бек Нұрмағанбеттің соңғы жекпе-жегі мамыр айында өтіп, венесуэлалық Архенис Эспаньяны (15-2, 14 КО) екінші раундта нокаутқа жіберген. Әбілхан Аманкұл да отандасы сияқты мамыр айында мексикалық Фабимен жекпе–жегінің екінші раундында нокаут рәсімдеген еді.