Кезекті көпір көлік қозғалысын жеңілдетеді
<p style="text-align: justify;">Астанадағы Тәуелсіздік даңғылының бойындағы жаңа көпір құрылысы аяқталып, пайдалануға берілді. Әуелде ашылуы 30 қазанға белгіленген көпір, бір күн ерте – 29 қазанда ел игілігіне ұсынылды.</p>
Көпірдің әр тарапында төрт жолақ бар. Бүйірінде жаяу жүргіншілерге арналған жолақтар мен веложол салынған. Көгалдандыру жұмысы көктемде аяқталады деп жоспарланып отыр.
Астана қалалық әкімдігінің хабарлауынша, көпірдің пайдалануға берілуі қала көшелеріндегі кептеліс көлемін біршама азайтады. Мәңгілік ел даңғылы – 20 пайызға, Сарайшық көшесі мен Ұлы дала көпірі кептелек жүгін 15 пайызға жеңілдетпек. Сондай-ақ Керей-Жәнібек хандар, Әл-Фараби көшелері және Ұлы дала даңғылы бойынша трафик жанданады.
Жаңа көпір Алматы мен Есіл аудандары арасындағы қосымша байланысты да қамтамасыз етеді. Көпірдің салынуы нәтижесінде сол жағалаудың Тәуелсіздік даңғылымен, жаңа теміржол вокзалымен, Қошқарбаев даңғылымен, Нәжімеденов көшесімен, Әзірет Сұлтан мешітімен, Байтұрсынұлы, Қордай, Айнакөл көшелерімен, Момышұлы даңғылымен байланысы күшейіп, жол қозғалысы жедел әрі сапалы бола түспек.