АҚШ-та алғаш рет тікұшақ такси ұшты
<p style="text-align: justify;">Тікұшақ таксиді «Джоби Авиэйшн» компаниясы құрастырған. Электр қуатымен жұмыс істейтін әуе таксиі Нью-Йорктің Манхэттен ауданындағы тікұшақ алаңында сынақтан өтті, деп жазады <a href="/" target="_blank" rel="noopener noreferrer">Egemen.kz</a> qazaqstan.tv-ға сілтеме жасап.</p>
Joby Aviation компаниясының негізін қалаушы Джобен Бевирттің айтуынша әуе таксиіне ұшқыш пен 4 жолаушы сыяды. Тікұшақ такси сағатына 200 миль жылдамдықпен ұшады. Бұл Манхэттеннен Кеннеди әуежайына 7 минутта жетуге болатын көрсеткіш.
Осыған байланысты Нью-Йоркте әуе таксиін ұшыратын алаңдарды да жетілдіру жоспарланған.
Joby Aviation компаниясы АҚШ-тың Азаматтық авиация федералдық басқармасынан ұшу сынақтарын жүргізуге рұқсат куәлігін алған. Ал компания әуе таксиі қызметін ресми түрде 2025 жылдан бастап ұсынуды жоспарлап отыр.