Кәсіпкерлерді бопсалаған деструктивті діни ағым өкілдері ұсталды
<p style="text-align: justify;">Атырауда жеке кәсіпкерлерден ақша бопсалаумен айналысқан қылмыстық топ ұсталды. Бұл туралы police.aturau инстаграм арнасынан мәлім болды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Кәсіпкерден 2 млн 600 мың теңге алып жатқан 1991, 1996, 1996, 1998 жылғы 4 күдіктіні қылмыс үстінде полиция қызметкерлері ұстады.
«Күдіктілердің деструктивті діни ағым өкілдері екені анықталды. Топ жәбірленушілерді наурыз айынан бері бопсалап, шамамен 5 миллион теңге иемденбек болған. Күдіктілердің осыған ұқсас басқа да қылмыстарға қатыстылығы анықталып жатыр», делінген Атырау облысы ПД хабарламасында.
ҚР Қылмыстық кодексінің 194-бабының 3-бөлігі 2-тармағы бойынша қылмыстық іс қозғалып, сотқа дейінгі тергеу жүргізіліп жатыр.