Жаңа жәдігермен толықты
<p style="text-align: justify;">Балқаш тарихи-өл­кетану музейіне сақтар мен ғұндар дәуірінен бастап, Түрік қағанатымен жалғасқан, Қазақ хан­ды­ғының және тәуелсіз Қазақстанның өткені мен бүгінгі тарихын баян­дайтын небір құн­ды экспонаттар қойыл­ған. Көрме залдарында әр кезеңді көз ал­дыңа әкелетін көне жәді­гер­­лер, фотосуреттер бар. Жақында мұражай қоры тағы бір жаңа жә­дігермен толықты.</p>
Балқаштық білікті дәрігер Нина Васильевнаның немересі Иван Гончаров әжесінің қан қысымын өлшейтін құралы сфигмоманометрді мұражайға тапсырды.
– Менің әжем 35 жыл бойы тек бір ғана ауруханада еңбек етіп, сол мекемеден зейнетке шыққан ақ халатты абзал жан. Білікті дәрігер Нина Васильевнаны балқаштықтар жақсы біледі. Әлі есімнен кетпейді. Бұл құралмен әжем көршілердің қан қысымын өлшейтін. Көршілерімізде жүрек-қантамыр ауруларымен ауыратын адамдар көп болатын. Сонда әжем осы арнайы құралдың көмегімен өлшеп, қалай емделуге кеңес беретін, – дейді дәрігердің немересі Иван Гончаров.
Cфигмоманометр 1962 жылы Ленинград қаласындағы Красногвардеец зауытында жасалған екен.
Қарағанды облысы,
Балқаш қаласы