Алматы облысында қар көшкіні жүрді

<p style="text-align: justify;">Еңбекшіқазақ ауданы «Түрген ауылы - Батан» автожолынан 24 шақырым жерде қар көшкіні болды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Алматы ТЖМ мәліметінше, жалпы көлемі 216 текше метр болатын қар массасы автожолды жауып тастады.

Зардап шеккен азаматтар жоқ, ғимараттарға да зақым келмеген.

Оқиға орнына Алматы облысы ТЖД 1 қызметкері мен 1 техникасы жіберілді. Сондай-ақ «Қазселденқорғау» ММ қызметкерлері автожолды тазарту жұмыстарына кірісіп кетті.

Айта кетсек, «Түрген ауылы - Батан» автожолы жолаушылардың қауіпсіздігі мақсатында 2024 жылдың 1 мамырына дейін жабық тұрады.