Коммуналдық тариф 10 есеге төмендеді – прокуратура
<p style="text-align: justify;">Табиғатты қорғау прокуратурасының шара қолдануымен Жетісу облысының Панфилов, Қаратал, Ақсу, Сарқан аудандары және Текелі қаласында коммуналдық қалдықтарды шығарудың тарифтері төмендетілді, деп жазады <a href="/" target="_blank" rel="noopener noreferrer">Egemen.kz</a> облыстық прокуратураның баспасөз қызметіне сілтеме жасап.</p>
«Прокурорлар уәкілетті органдардың үш жылдан астам уақыт бойы мәслихатқа оларды бекіту үшін тарифтер ұсынбағанын анықтады. Қызмет көрсететін компаниялар тарифты өз бетінше белгілеп, оның сомасын 1 м3 1500 теңгеден 5000 теңгеге дейін өсірген.
Қадағалау актісі бойынша аталған аудандардың тұрғындары үшін жаңа тарифтер бекітілді, бұл қызмет ақысын 2 есеге, ал кейбір жағдайларда 10 есеге төмендетуге мүмкіндік берді. Осылайша 100 мыңнан астам тұтынушының, оның ішінде 6 мың заңды тұлғаның мүддесі қорғалды», делінген ақпаратта.
Бұл бағыттағы жұмыстар алдағы уақытта облыстың Алакөл, Кербұлақ аудандарында да жүзеге асырылады.