«Жаһандық оңтүстік»: Әріптестік әлеуеті
<p style="text-align: justify;">Америкалық жетекші талдау орталықтарының бірі «Center for Strategic & International Studies» (CSIS) алаңында «Жаһандық оңтүстік» тұрғысында АҚШ тәсілдерін қайта қарау» атты панельдік пікірталас өтті. Іс-шараның спикерлері – Қазақстанның АҚШ-тағы елшісі Ержан Ашықбаев, Замбия елшісі Чисамба Куаньяма және CSIS аға вице-президенті Даниэль Рунде.</p>
Ержан Ашықбаев қазіргі геосаяси ахуал жаһандық державалар арасындағы бәсекелестікпен сипатталатынын, бұл «Жаһандық оңтүстік» елдерімен және «орта державалар» деп аталатын тәсілдер мен өзара іс-қимылдан көрінетінін мәлім етті. Осыған байланысты Қазақстан елшісі өзін халықаралық әріптестермен өзара іс-қимылдың тиімді тетігі ретінде ақтаған көпвекторлы саясатқа қатысты стратегиялық міндеттемеге тоқталды. Астана Батыс пен Шығыс арасындағы көпір бола отырып, ұлттық мүдделер негізінде барлық жаһандық ойыншылармен прагматикалық және өзара тиімді қарым-қатынас орнатады. Осы тұрғыда Ержан Ашықбаев АҚШ-пен сирек минералдар, ауыл шаруашылығы, IT технологиялар т.б. салаларда кеңейтілген стратегиялық әріптестікті арттыру перспективаларына назар аударды.
Басқосу барысында Даниэль Рунде Қазақстанның сындарлы сыртқы саясаты мен халықаралық аренадағы рөлін жоғары бағалады. Сонымен қатар CSIS өкілі тәуелсіздік алғаннан бері елдің жоғары өсуі мен даму қарқынын атап өтті.
Америкалық сарапшының пікірінше, АҚШ сирек кездесетін металдар, сауда және энергетика салаларын қоса алғанда, кең ауқымды мәселелер бойынша Қазақстанмен қарым-қатынасты тереңдетуге тиіс.
Іс-шара соңында қатысушылар барлық елдің мүддесін сақтау қажеттігін атап өтті, бұл халықаралық аренада теңдестірілген қарым-қатынас орнатудың негізгі аспектісі болып саналады.