Бишімбаев ісі: ертең алқабилер құрамы жасақталады

<p style="text-align: justify;">Ертең, 27 наурызда Қ. Бишімбаевтың ісін қарайтын алқабилер құрамына кандидаттарды іріктеу үшін жабық сот өтеді. Бұл туралы Жоғарғы Соттың баспасөз қызметі хабарлады, деп жазады <a href="/" target="_blank" rel="noopener noreferrer">Egemen.kz</a>.</p>

Жабық сот Астана қаласының қылмыстық істер жөніндегі мамандандырылған ауданаралық сотында өтеді.

Бұл сот отырысында 12 адамнан тұратын (10 негізгі, 2 қосалқы) алқабилер алқасы жасақталады.

Ведомство өкілдері түсіндіргендей, іріктеу алқабилердің жеке басын жария етпеу мақсатында жабық форматта өтеді.