Әскерилер су басқан ауыл тұрғындарына жәрдемдесті
<p style="text-align: justify;">Авариялық-құтқару жұмыстарына жергілікті атқарушы органдар, төтенше жағдайлар жөніндегі бөлімшелер, басқа да күштік құрылымдар мен мердігерлік ұйымдар жұмылдырылды, деп хабарлайды <a href="/" target="_blank" rel="noopener noreferrer">Egemen.kz</a>. </p>
Қорғаныс министрлігінің мәліметінше, Батыс Қазақстан облысы аумақтық қорғаныс бригадасының 32 әскери қызметшісі подполковник Тимур Үмбетқалиевтің басшылығымен Сырым ауданындағы авариялық-құтқару жұмыстарына қатысып жатыр.
Еріген су Қособа ауылын да басып қалды. 28 наурыздың кешінде басталған эвакуациялау жұмыстары түнгі екіге дейін жалғасқан. Қарулы күштердің 99250 әскери бөлімі әскери қызметшілерінің үйлесімді іс-қимылы нәтижесінде эвакуациялау пункттеріне 250 адам жеткізілді.