«Төтенше тоқсандағы» білім

Қазір еліміздегі 10 өңір­де төтенше жағ­­­дай жария­лан­ды. Осы өңір­лердің бә­рінде оқу­шыларға бұл оқу ке­зеңі «тө­­тенше тоқсан» болып тұр. «Байтал түгіл бас қай­ғы» бо­лып тұрған тұста оқыту педагогке ­де, білім алу оқушыларға да оңай­ға соқ­пасы анық. Бірақ соған қарамастан, оқуды тоқтатуға болмайды. Бірақ қалай? Бұл тұрғыда бізде тәжірибе бар, бүкіл елде төтенше жағдай жарияланған пандемия ке­зін­де де оқу тоқтатылмады, бір рет «төтенше тоқсанды» өткізгенбіз. Әрине, оның бі­лім сапасына едәуір нашар әсер еткенін сарапшылар айтып, әлі де зерттеп жатыр. Де­ген­мен сол уақытта сәл де болса қалыптастырып алған қа­шықтан оқыту жүйесі қазір де «көмекке келмек».

Оқу-ағарту министрлігі та­ратқан соңғы ақпаратқа сү­йен­сек, өңірлік білім бас­қар­маларымен бірге бала­лардың құқықтарын қорғау және оқу үдерісін сапалы ұйым­дастыру бойынша жұ­мыстар жүргізіліп жатыр. Бү­гінгі таңда уақытша орналастыру пункттерінде 3 мың­ға жуық бала бар. Оларға пси­хо­логиялық қызмет көрсету ұйымдастырылды.

«Балалар қажетті оқу құ­ралдарымен және қашық­тан оқу үшін техникалық жаб­дықтармен, тамақпен және киім-кешекпен қамтама­сыз етілді. Интернеттің жылдам­­дығы төмен ауылдық мек­тептерді Starlink желісіне қо­су жұмыстары жүргізілуде. Сон­­дай-ақ республикалық ма­ңыз­дағы инновациялық мек­теп-лицейлерінің жатақха­на­­ларында балаларды орна­ластыру мен оқу үдерісі ұйым­дастырылады. Бала құқық­та­ры жөніндегі өңірлік уәкіл­­де­­рі балаларға құқықтық және психологиялық көмек беруге, сондай-ақ оқушылардың сапалы білім алуына жағдай жа­сауға белсенді араласып жа­тыр. Маңғыстау облысында 28 білім ұйымы Атырау облысы Құлсары қаласының эвакуацияланған тұрғында­рын қабылдап отыр. Су тасқы­ны бол­ған өңірлерде барлығы 127 білім нысаны тұр­ғын­дар­ды уақытша орналасты­ру пункті болып айқындал­ды», де­лінген жоғарыда атал­ған ми­нистрліктің хабарламасында.

Өткен аптада Оқу-ағарту министрі Ғани Бейсембаев өңірлік білім басқармалары бас­шыларының қатысуы­мен өткен аппараттық кеңесте су тасқынынан зардап шеккен аймақтардағы балаларды еліміздегі ең үздік жазғы са­уықтыру орталықтарына жі­беруді тапсырған еді. Ми­нистр: «Оқу үдерісін сапалы ұйымдастыра отырып, балалардың қауіпсіздігі мен құқықтарын қорғауға ерекше назар аудару қажет. Бала­лардың құқықтарын қор­ғау комитеті ең алдымен көмек­ке мұқтаж отбасылардағы оқу­шы­лардың жазғы демалысын ұйымдастыру керек», деген.  Осыдан соң министрлік елі­міздегі жыл бойы жұмыс істейтін 11 сауықтыру орта­лы­ғы 6 сәуірден бастап оқу үдерісін ұйымдастыра отырып, балаларды қабылдауға дайын екенін, сауықтыру ор­та­лықтарына оқушыларды та­сымалдау үшін қауіпсіздік жөніндегі нұсқаулық пен ве­домствоаралық іс-қимыл алго­ритмін әзірлегенін хабарлады. Соңғы деректерге қараған­да, тасқын судан зардап шеккен өңірлердегі оқушыларды сауықтыру орталықтарына жі­беруге жолдамалар бөлінді. Сауықтыру орталықтарына қабылдаудың  тек бірінші күні Ақмола облысындағы «Жас­дәурен» лагері 80-нен аса баланы қабылдады.

Аппараттық кеңес барысында министр балалардың қауіпсіздігімен қатар, су тас­қы­ны салдарынан қиын жағ­дай­ға тап болған педагогтерді қолдау мәселесіне де тоқтал­ды. Сала басшысы су тасқыны­на қарсы іс-шаралар­ға қатыс­қан әріптестеріне көр­сет­кен кәсібилігі, адам­гершілігі және шынайы патриотизмі үшін алғысын білдірді. Ми­нистрліктің мәлімдеуінше, бү­гінде білім саласының 20 мың қыз­меткері волонтер ретінде ­су тасқынына қар­сы іс-шаралар­ға қатысып, оның ішінде 10 мың­нан кө­бі эвакуациялық пунк­т­тер­де жұмыс жасап жатыр. Са­ла­лық келісімге сәйкес, тө­тен­ше жағдай кезеңінде бі­лім са­ласы қызметкерлері­нің ең­бек­ақысын есептеу төтен­ше жағдайға дейінгі белгі­лен­ген мөлшерде жүргізіледі. Со­ны­мен қатар педагогтерді қол­дау мәселесі пысықталуда. Тө­тен­ше жағдай жарияланған өңір­лерде педагогтердің аттес­тат­таудан өту мерзімі кейінге ауыстырылады.